Dal Liber Pontificalis
BONIFATIUS, natione Marsorum, de civitate Valeria, ex patre Iohanne medico, sedit ann. VI mens. VIII dies XIII. Huius temporibus famis, pestilentiae et inundationes aquarum gravissime fuerunt. Eodem tempore petiit a Focate principe templum qui appellatur Pantheum, in quo fecit ecclesiam beatae Mariae semper virginis et omnium martyrum; in qua ecclesia princeps dona multa optulit. Hic domum suam monasterium fecit, quem et ditavit. Quo defuncto, sepultus est ad beatum Petrum apostolum. Hic fecit ordinationes II per mens. decemb., diaconos VIII; episcopos per diversa loca XXXVI. Et cessavit episcopatus mens VI dies XXV. Depositus die XXV mens. mai.