Dal Liber Pontificalis
DIONYSIUS, ex monacho, cuius generationem non potuimus repperire, sedit ann. VI m. II d. IIII. Fuit autem temporibus Gallieni, ex die XI kal. aug. Emiliano et Basso consulibus usque in die VII kal. ianuar., a consulatu Claudii et Paterni. Hic presbiteris ecclesias dedit et cymiteria et parrocias diocesis constituit. Hic fecit ordinationes II per mens. decemb., presbiteros XII, diaconos VI; episcopos VII per diversa loca numero VIII. Qui etiam sepultus est in cymiterio Calisti, via Appia, VI kal. ianuar. Et cessavit episcopatus dies V.